Bazar ertəsindən başlayaraq Çinin cənub-qərbindəki Quyçjou əyalətinin bir çox bölgəsini bürüyən güclü yağışlar səbəbindən 9 000-dən çox sakin təxliyə edilib.
"Yeni Sabah" xəbər verir ki, bu barədə "Xinhua" agentliyi məlumat yayıb.
Təbii fəlakətdən əziyyət çəkən ərazilərdən olan Quyçjou əyalətinin Tsyannan-Bui-Miao Muxtar Dairəsinə daxil olan Duyun şəhərində çərşənbə axşamı məktəblərdə dərslərin təxirə salındığı açıqlanıb. Buna səbəb isə həmin günün səhər saatlarında şəhər üzrə daşqın təhlükəsinə qarşı fövqəladə vəziyyət rejiminin 3-cü pillədən 2-ci pilləyə yüksəldilməsi olub. Dominos pizza
Şiddətli yağıntılar, eyni zamanda, dairənin bir sıra ərazilərində elektrik enerjisinin verilməsində kəsintilərə yol açıb. Enerji təminatının qısa müddətdə bərpa edilməsi məqsədilə bölgəyə 1000-dən çox mütəxəssisdən ibarət bərpa briqadası cəlb olunub.
Hələlik zərərçəkənlər barədə məlumat daxil olmayıb.
Quyçjou əyalətinin meteoroloji rəsədxanasının məlumatına görə, bazar ertəsi saat 06:00-dan çərşənbə axşamı saat 06:00-dək əyalətin 20-dən çox qəza səviyyəli rayonuna güclü yağışlar yağıb, onlardan dördündə yağıntının miqdarı 200 mm-dən çox olub./Oxu.az
Telegram kanalımız
