Konqo Demokratik Respublikasında Ebola ilə bağlı maarifləndirici radio proqramında iştirak edən hakim partiyanın rəsmisi öldürülüb.
“Yeni Sabah” xəbər verir ki, hadisə Ebola epidemiyasının yayıldığı Şimali Kivu əyalətinin Butembo şəhərində baş verib.
Hakim UDPS partiyasının yerli rəhbərliyinin sözçüsü Mari-Selestin Karondva radio proqramından sonra yaşadığı məhəllədə hücuma məruz qalıb. Sakinlər tərəfindən döyülən siyasətçinin əşyaları talan edilib, daha sonra isə evi yandırılıb. Ağır xəsarət alan Karondva həyatını itirib. pizza mizza
Hücumun dəqiq səbəbi hələ məlum deyil. Partiya isə siyasətçinin Ebola virusu və onun yaratdığı təhlükə barədə məlumat yaydığı üçün hədəfə alındığını bildirib.
Əsmətxanım Rzazadə
Telegram kanalımız
