“Erkin Qədirli saxta yolla seçilib düzlükdən danışırsa, parlamentdə oturmamalı idi”

“Erkin Qədirli saxta yolla seçilib düzlükdən danışırsa, parlamentdə oturmamalı idi”

Siyasət

25 Yanvar 2023 22:01 604


"Erkin Qədirlinin Milli Məclisə  keçirilmiş seçkilərin demokratik olmaması ilə bağlı fikiri tamamilə yanlış və reallıqdan uzaqdır".

Yenisabah.az xəbər verir ki, bu fikirləri Demokrat.az-a açıqlamasında Milli Məclisin deputatı Azər Badamov deyib.

"Erkin Qədirli bu məsələ barəsində ancaq özü haqqında fikir söyləyə bilər. Lakin hesab edirəm ki, onun bütün Parlamentin adından danışmaq və ölkədə keçirilmiş seçkilərə kölgə gətirmək cəhdi radikal müxalif düşüncəsindən irəli gəlir. Erkin Qədirlinin qeyd etdiyi kimi o, əyri yollarla seçilibsə onun dairəsində keçirilmiş seçkinin nəticələrinin yenidən araşdırılmalı olduğu qənaətindəyəm. Qeyd etmək istəyirəm ki, Milli Məclisə seçkilər demokratik şəraitdə keçirilmiş və seçkidə iştirak edən beynəlxalq müşahidəçilər tərəfindən yüksək dəyərləndirilmişdir. Həm də seçkilər zamanı "Exit-poll" müstəqil müşahidə qrupu tərəfindən keçirilən monitorinqlər də seçkinin nəticələrinə uyğun olmuşdur. Hesab edirəm ki, Erkin Qədirlinin radikal  

müxalif yanaşması Milli Məclisə keçirilən seçkilərə kölgə sala bilməz və demokratik yolla seçilmiş Parlamentimizə heç bir aidiyyatı yoxdur.  Əgər Erkin Qədirli saxta yolla seçilmişdisə və onu etiraf edərək düzlükdən danışırsa özündə cürət tapıb Parlamentdə oturmamalı və Parlamentin imtiyazlarından istifadə etməməli idi".


Telegram kanalımız
Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!