Burada reklam sizin uğurunuzdur.

tel/whatsapp: 070 855 41 11

Burada reklam sizin uğurunuzdur.

tel/whatsapp: 070 855 41 11

Hava şəraitinin pisləşməsi ilə əlaqədar gəmilərə xəbərdarlıq göndərildi
02 Sen 2021 18:48
784

Hava şəraitinin pisləşməsi ilə əlaqədar gəmilərə xəbərdarlıq göndərildi

Azərbaycan ərazisində hava şəraitinin pisləşməsi ilə əlaqədar “Azərbaycan Xəzər Dəniz Gəmiçiliyi” QSC-nin (ASCO) gəmilərinə xəbərdarlıq göndərilib.

Yenisabah.az xəbər verir ki, bu barədə qurumdan məlumat verilib.

Bildirilib ki, küləkli hava şəraiti ilə əlaqədar bütün gəmilərin nəzərinə çatdırılıb ki, gəmilərdə qabaqlayıcı təhlükəsizlik tədbirləri görülsün və onların qeyd edilən tarixdə təhlükəsiz sığınacaqlara getməsi təmin olunsun.

Həmçinin səfərə çıxacaq və dənizdə hərəkətdə olan gəmilər gözlənilən hava şəraitini nəzərə alaraq sığınacaqlara getmələrini qabaqcadan planlaşdırsınlar, külək gözlənilən tarixlərdə gəmi kapitanları mütləq gəmidə olsunlar və gəmilərin təhlükəsiz dayanmalarını təmin etsinlər.

Xatırladaq ki, Nəqliyyat, Rabitə və Yüksək Texnologiyalar Nazirliyi yanında Dövlət Dəniz Agentliyinin Gəmilərin Uzaq Məsafədən Tanınma və İzləmə Milli Mərkəzinə təhlükəli hidrometeoroloji hadisə haqqında xəbərdarlıq daxil olub. Xəbərdarlıqda bu gün axşam saatlarından başlayaraq Xəzər dəniz akvatoriyasında Şimal-Qərb, Şimal küləyinin 13-18, arabir 20-23, sentyabrın 3-ü axşamdan 4-ü səhərə kimi 18-23, arabir 25-30 m/s-dək güclənəcəyinin gözlənildiyi bildirilir. Dalğanın hündürlüyünün isə 2-3, sonrakı inkişafda 4-6 metrə çatacağı proqnozlaşdırılır.

Bizi Telegram-da oxuyun. Azərbaycanın və dünyanın ən vacib xəbərləri Şahidi olduğunuz hadisələri çəkib bizə göndərin!

Oxşar xəbərlər