“Aztelekom” MMC-nin baş direktoruna müşavir təyin edilib.
“Yeni Sabah” Plat.az-a istinadla bildirir ki, bu vəzifə Marat Həmidova həvalə olunub.
Qeyd edək ki, M.Həmidov Azərbaycan Texniki Universitetində radiotexnika ixtisası üzrə bakalavr təhsili alıb, həmçinin həmin universitetdə nəzəri radiotexnika ixtisası üzrə magistr dərəcəsinə yiyələnib. Pepperoni pizza
O, əmək fəaliyyətinə 1998-ci ildə “Azercell Telecom” MMC-də başlayıb və mühəndis, ekspert, fərqli texniki qrupların rəhbəri, şöbə rəhbəri kimi müxtəlif vəzifələrdə çalışıb.
M.Həmidov 2019-cu ildən “Azercell Telecom” MMC-də Şəbəkə Texnologiyaları Departamentinin direktoru vəzifəsində çalışıb və son təyinata qədər bu vəzifədə fəaliyyət göstərib.
Əlavə məlumat üçün deyək ki, "Aztelekom"da baş direktorun vəzifələrini müvəqqəti icra edən şəxs Həsən Ömərovdur. H.Ömərov sentyabrın 2-nə kimi məzuniyyətdə olacağına görə, M.Həmidov müvəqqəti olaraq onun vəzifələrini yerinə yetirir.
Telegram kanalımız
