İsveç Türkiyə ilə NATO-ya üzvlük sazişi çərçivəsində üzərinə düşən öhdəlikləri yerinə yetirib.
Yenisabah.az "Reuters"ə istinadla xəbər verir ki, bunu İsveçin xarici işlər naziri Tobias Billström bildirib.
O əlavə edib ki, Türkiyə parlamentinin İsveçin alyansa qoşulmasına icazə vermək üçün ratifikasiya prosesinə başlamasının vaxtı çatıb: Toyuqlu pizza
"Bizim fikrimizcə, bizdən gözlənilən şeyi etdik, indi Türkiyə parlamentinin ratifikasiya prosesinə başlamasının vaxtıdır".
Bundan əvvəl Türkiyə prezidenti Rəcəb Tayyib Ərdoğan İsveçə açıq şəkildə bildirmişdi ki, NATO-nun Vilnüsdə keçiriləcək sammitində NATO üzvlüyünü gözləməməlidir.
Türkiyə prezidenti bildirib ki, Ankaranın İsveçin NATO-ya üzv olmaq üçün müraciətinə yaşıl işıq yandırmağa əsası yoxdur. O, bu mesajı iyunun 14-də Ankarada birgə iclas keçirən İsveç, Finlandiya və NATO rəsmilərinə çatdırdığını bildirib.
Ərdoğan vurğulayıb ki, bu şərtlər daxilində İsveçin müraciətini ratifikasiya etməsi üçün Türkiyəyə təzyiq etmək düzgün deyil.
Telegram kanalımız
