Bu il avqustun 4-də Almaniyadan deportasiya olunduqdan sonra həbs edilən ictimai fəal Ziya İbrahimov azadlığa çıxıb.
Yenisabah.az xəbər verir ki, bu barədə onun hüquqlarını müdafiə edən vəkil Elçin Sadıqov məlumat verib.
E.Sadıqov deyib ki, müvəkkilinin barəsində olan cinayət işinə xitam verilərək, həbsdən azad edilib. Pepperoni pizza
Qeyd edək ki, Z.İbrahimov Azərbaycan Xalq Cəbhəsi Partiyasının Biləsuvar rayonundakı funksionerlərindən biri olub. O, 2018-ci ildə Almaniyaya mühacirət edib. O, bu il Almaniyadan deportasiya olunduqdan sonra həbs edilib.
Ziya İbrahimova qarşı Cinayət Məcəlləsinin 306.1 (qanuni qüvvəyə minmiş məhkəmə qətnaməsini, hökmünü, qərardadını, qərarını və ya əmrini qərəzli olaraq icra etməmə və ya həmin məhkəmə aktlarının icrasına maneçilik törətmə) maddəsilə cinayət işi açılıb. Bu cinayət işi onun keçmiş həyat yoldaşının pul tələbilə bağlı olub.
Telegram kanalımız
