İndiyə qədər Azərbaycan Kibertəhlükəsizlik Mərkəzi (AKM) 420-dən artıq müdafiə və hücum istiqamətində mütəxəssis hazırlayıb.
"Yeni Sabah" xəbər verir ki, bunu İnnovasiya və Rəqəmsal İnkişaf Agentliyinin (İRİA) İdarə Heyətinin sədri Fərid Osmanov bildirib.
Onun sözlərinə görə, Azərbaycanda rəqəmsal inkişaf sürətləndikcə, kibertəhlükəsizlik aspekti aktuallaşır, ölkəmizin dövlət siyasətinin bir parçası olur: Toyuqlu pizza
"Bu xüsusda bu il fevralın 27-də dövlət başçısının imzası ilə ölkəmizdə rəqəmsal inkişafın sürətləndirilməsi üzrə 2026-2028-ci illəri əhatə edən Fəaliyyət Planı təsdiq edilib. Fəaliyyət Planında da məhz kibertəhlükəsizlik aspekti əsas icra etmə sütunlarından biridir. Plan çərçivəsində məhz ölkəmizdə milli kibertəhlükəsizlik ekosisteminin qurulması, bu istiqamətdə fəaliyyətin gücləndirilməsi və təbii ki, həm də insan kapitalının inkişafı mühüm əhəmiyyət daşıyır".
F.Osmanov deyib ki, AKM artıq dördüncü ildir ki, TECHNION institutu ilə birgə əməkdaşlıq çərçivəsində fəaliyyət göstərir: "Bu günə qədər hazırlanmış mütəxəssislərin 90 %-dən çoxu işlə təmin olunub. Bu gün isə 60 kibertəhlükəsizlik mütəxəssisi məzmun olacaq və onlar əmək bazarına aktiv şəkildə cəlb olunacaq. Bu dəfə proqramın xüsusi əhəmiyyətli hissəsi 60 nəfər içərisində təbii olaraq seçilmiş 5 mütəxəssisin xarici dövlətlərin qabaqcıl rəqəmsallaşma və kibertəhlükəsizlik şirkətlərinin müəssisələrində 1 ay ödənişsiz olaraq "internship" proqramı əldə etməsidir. AKM kibermarifləndirmə istiqamətində də işlər həyata keçirir. Hesabat dövründə 7 000-dən artıq insan kibermarifləndirmə təlimlərinə cəlb olunub".
Telegram kanalımız
