Koronavirusu nəfəslə müəyyən etmək mümkün olacaq
20 Okt 2020 17:23
406

Koronavirusu nəfəslə müəyyən etmək mümkün olacaq

Sinqapurdan olan alimlər insanın nəfəsi ilə koronavirusa yoluxub yoluxmadığını müəyyənləşdirməyə imkan verən yeni bir test təqdim ediblər.

Yenisabah.az xəbər verir ki, bu barədə “Breathonix” tərtibatçı şirkətindən bildirilib.

Koronavirusu aşkar etmək üçün hazırda mövcud olan metodlardan fərqli olaraq, yeni test insan tənəffüsünün kimyəvi tərkibindəki dəyişiklikləri qeyd edir.

Sinqapur Milli Yoluxucu Xəstəliklər Mərkəzindən 180 xəstənin iştirak etdiyi ilk klinik sınaqlarda tədqiqat dəqiqliyi 90 faiz göstərilib. Müəlliflər, yaxın gələcəkdə testin daha 600 könüllü üzərində test ediləcəyini də bildiriblər.

Layihə rəhbərlərinin sözlərinə görə, belə bir test cihazının istifadəsi üçün xüsusi təlim keçmiş kadrlara ehtiyac yoxdur, diaqnostika hava limanları kimi ən işlək yerlərdə həyata keçirilə bilər. Nəticələr bir neçə dəqiqə ərzində bəlli olur.

Bizi Telegram-da oxuyun. Azərbaycanın və dünyanın ən vacib xəbərləri Şahidi olduğunuz hadisələri çəkib bizə göndərin!

Oxşar xəbərlər