NATO Baş katibi Yens Stoltenberqin Cənubi Qafqaz və Mərkəzi Asiya üzrə xüsusi nümayəndəsi Xavyer Kolomina Azərbaycanın 8 erməni hərbçini Ermənistana qaytarmasına münasibət bildirib.
Yenisabah.az xəbər verir ki, bu barədə Xavyer Kolomina "Twitter" hesabında yazıb.
“NATO Azərbaycan-Ermənistan münasibətlərinin normallaşmasını dəstəkləyir. Doğrudan da yaxşı xəbərdir. Həm Ermənistan, həm də Azərbaycanla tərəfdaşlığı yüksək qiymətləndiririk. NATO Azərbaycan-Ermənistan münasibətlərinin normallaşmasına tərəfdardır. Bu, regionda sabitliyin və rifahın artmasına töhfə verəcək”, - xüsusi nümayəndə qeyd edib.
Xatırladaq ki, Azərbaycan 7 fevral 2022-ci il tarixdə 8 nəfər erməni əsilli hərbi qulluqçunu Ermənistan tərəfinə qaytarıb. Həmin şəxslərin bir qismi 2021-ci ilin 16 noyabr tarixində Ermənistan silahlı qüvvələrinin dövlət sərhədinin Kəlbəcər rayonu istiqamətində törətdiyi təxribatın qarşısı alınarkən saxlanılan hərbi qulluqçulardır.
Telegram kanalımız
