Pentaqon rəhbərinin ictimaiyyətlə əlaqələr üzrə köməkçisi Şon Parnell bildirib ki, ABŞ Müdafiə Nazirliyinin əməkdaşları 2021-ci ildə ABŞ qoşunlarının Əfqanıstandan çıxarılması ilə bağlı qəsdən gizlədilmiş məxfi sənədlər aşkar ediblər.
"Yeni Sabah" xəbər verir ki, bu barədə o, "X" sosial şəbəkəsində yayımladığı videomüraciətində deyib.
"Əfqanıstanda baş vermiş hadisələrlə bağlı hərtərəfli araşdırma aparırıq", - deyə Parnell bildirib. pizza hut
O, ABŞ Prezidenti Donald Trampın administrasiyası tərəfindən yaradılmış komissiyanın fəaliyyətindən danışarkən qeyd edib ki, komissiyanın vəzifəsi ABŞ hərbçilərinin Əfqanıstandan çıxarılması zamanı həlak olmasına görə məsuliyyət daşıyan şəxsləri müəyyən etməkdir.
"Biz gözləmədiyimiz şeyləri öyrənirik. Bu yaxınlarda komandam son dərəcə mühüm məxfi sənədlər aşkar edib. Həmin materiallar tapılmaması üçün seyflərdə gizlədilib", - deyə Parnell bildirib.
"Komandam bu sənədlərlə tanış olduqda kiminsə onları niyə gizlətməyə çalışdığı aydın oldu", - deyə Pentaqon rəhbərinin köməkçisi vurğulayıb.
O, sənədlərin konkret olaraq nəyə aid olduğunu açıqlamayıb. Onun sözlərinə görə, məlumat əlavə yoxlamalardan sonra ictimaiyyətə açıqlanacaq.
14 aprel 2021-ci ildə ABŞ-nin 46-cı prezidenti Co Bayden Əfqanıstandakı əməliyyatın başa çatdırılacağını elan edib. Bu, ABŞ tarixində xaricdə həyata keçirilən ən uzunmüddətli hərbi kampaniya olub. ABŞ bu müharibəyə 2001-ci ilin oktyabrında başlayıb. 2010-2013-cü illərdə müharibənin ən qızğın dövründə Qərb müttəfiqlərinin Əfqanıstandakı hərbi kontingentinin sayı 150 min nəfəri ötüb. ABŞ qoşunlarının çıxarılması 2021-ci ilin mayında başlayıb, ABŞ və NATO-nun əsas döyüş hissələri isə 2014-cü ildə Əfqanıstanı tərk edib.
"Taliban" hərəkatı ABŞ-nin qoşunlarını çıxarmaq niyyətini açıqlamasından sonra Əfqanıstanda nəzarəti ələ keçirmək üçün genişmiqyaslı əməliyyata başlayıb. 15 avqust 2021-ci ildə Əfqanıstan prezidenti Əşrəf Qani ölkədən qaçıb, "Taliban" isə döyüşsüz şəkildə Kabilə daxil olub. Sonuncu ABŞ hərbçiləri 2021-ci ilin sentyabrının əvvəlində Əfqanıstanı tərk ediblər.
26 avqust 2021-ci ildə Kabil hava limanında törədilən terror aktı nəticəsində 13 hərbçi və 170 mülki şəxs həlak olub.
Telegram kanalımız
