Burada reklam sizin uğurunuzdur.

tel/whatsapp: 070 855 41 11

Burada reklam sizin uğurunuzdur.

tel/whatsapp: 070 855 41 11

“Rusiya Qarabağı tərk etmək məcburiyyətində qalacaq” - Köçəryan
15 İyn 2021 16:31
812

“Rusiya Qarabağı tərk etmək məcburiyyətində qalacaq” - Köçəryan

“Qarabağdakı rus sülhməramlılarının mandatı sonsuz olsaydı, daha yaxşı olardı”.

Yenisabah.az “RİA Novosti”yə istinadla xəbər verir ki, bunu Ermənistanın ikinci prezidenti Robert Köçəryan bildirib.

Onun sözlərinə görə, Rusiya, əlbəttə, münaqişə zamanı son dərəcə həssas bir vəziyyətdə olub.

“Bir tərəfdən, Rusiya Ermənistanın hərbi-siyasi müttəfiqi, digər tərəfdən vasitəçi, Minsk qrupunda həmsədrdir ki, bu da tərəflər arasında müəyyən bərabərliyi nəzərdə tutur. Həm də Rusiya Azərbaycanın qonşusudur. Moskva Bakı ilə dostluq münasibətləri qurmağa çalışır. Vəziyyət çox çətindir. Ermənistanda gözləntilər Rusiyanın bu vəziyyətdə nə edə biləcəyi ilə zidd idi. Onun üçün mənzərə ağ-qara deyil və olduqca incədir. Rusiya maraqları baxımından yeganə düzgün addım müharibəni ən qısa müddətdə dayandırmaq idi. Rusiya bunu münaqişənin ilk günlərindən etməyə çalışırdı. Rusiya üçün yaxşı bir həll yolu yox idi.

Bu günə qədər Qarabağda böyük toqquşmaların yoxluğu (bəzi kiçik hadisələr olub) tərəflərin Rusiyanın sülhməramlı missiyasını hörmətlə qəbul etdiyini göstərir. Barışıq missiyasının özü də hörmətəlayiqdir. İndiyə qədərki mənzərə budur. Ancaq sülhməramlıların mandatı zamanla məhduddur – 5 il və bu, ən böyük problemdir”.

Köçəryanın fikrincə, bu mandat vaxt göstərilmədən uzadılsa, daha yaxşı olar. 4 il yarım sonra Azərbaycan sülhməramlıların mandatının davam etdirilməsi əleyhinə olduğunu Rusiyaya bildirmək hüququna malikdir. O zaman Rusiya oranı tərk etmək məcburiyyətində qalacaq.

Bizi Telegram-da oxuyun. Azərbaycanın və dünyanın ən vacib xəbərləri Şahidi olduğunuz hadisələri çəkib bizə göndərin!

Oxşar xəbərlər