ABŞ Prezidenti Donald Trampın təşəbbüsü ilə yaradılan Sülh Şurası üzv ölkələrin bugünkü görüşündə Qəzza zolağının yenidən qurulması üçün 6 aylıq, 2,45 milyard dollarlıq plan təqdim edəcək.
“Yeni Sabah” Axios-a istinadla xəbər verir ki, 28 üzv ölkə və Fələstin hökumətinin bir il ərzində birgə işi nəticəsində sənədə 66 təşəbbüs daxil edilib.
Müvəqqəti yaşayış, dağıntıların təmizlənməsi və minaların təmizlənməsi də daxil olmaqla, infrastrukturun bərpası üçün təxminən 1 milyard dollar ayrılıb. Qəzza zolağında təhlükəsizlik üçün 885 milyon dollar, o cümlədən Rəfahda 5000 Beynəlxalq Sabitləşdirmə Qüvvələrinin (ISF) əsgərini yerləşdirmək üçün xüsusi bazanın yaradılması planlaşdırılır. pizza mizza
Hazırda Sülh Şurasında tələb olunan 2,45 milyard dollar tam yoxdur. Rəsmilər əmin olduqlarını bildiriblər ki, siyasi maneələr aradan qaldırıldıqdan sonra donor ölkələr müxtəlif layihələr üçün maliyyələşdirmələrini artıracaqlar.
Plana əsasən, Qəzza zolağında ümumi ziyan 35,2 milyard dollar olaraq qiymətləndirilir və növbəti onillikdə tam bərpa və yenidənqurma işləri təxminən 71,4 milyard dollar tələb edəcək.
Telegram kanalımız
