16 Avqust - 11:00
Türkiyədə Ukrayna taxılını daşıyan Rusiya gəmisi saxlanıldı

Türkiyədə Ukrayna taxılını daşıyan Rusiya gəmisi saxlanıldı

Dünya

03 İyul 2022 18:37 554


Türkiyədə Ukrayna taxılını daşıyan Rusiyaya məxsus yük gəmisi saxlanılıb.

Yenisabah.az xəbər verir ki, bu barədə Ukraynanın Ankaradakı səfiri Vasili Bodnara istinadən “Reuters” agentliyi məlumat yayıb.

“Jibek Jolı” adlı gəmi rəsmi rəqəmlərə görə 4,5 min ton, Ukrayna prokurorluğunun məlumatına görə isə 7 min ton ton taxıl daşıyır. O, Qazaxıstanın “KTZ Express” şirkətinə məxsusdur, lakin Rusiyanın “Green-Line” şirkəti tərəfindən icarəyə götürülüb.

Ukraynanın Türkiyədəki səfiri bildirib ki, müstəntiqlər bazar ertəsi taxılın mənşəyini müəyyən etməyə başlayacaq.

Qeyd edək ki, iyulun 1-də Berdyanskdan çıxan Rusiya bayraqlı gəminin Türkiyənin Karasu limanına daxil olduğu bildirilib. Ukrayna Baş Prokurorluğunun göstərişi əsasında ölkənin Ankaradakı səfirliyi müvafiq tədbirlərin görülməsi xahişi ilə Türkiyə tərəfinə müraciət edib./Oxu.az


Telegram kanalımız
Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!