“Ukraynadakı münaqişə səbəbindən bu il qlobal iqtisadiyyatın ÜDM-in artım tempi azalaraq 3%-dən az artım qeydə alacaq”.
Yenisabah.az TASS-a istinadla xəbər verir ki, Beynəlxalq Valyuta Fondunun (IMF) icraçı direktoru Kristalina Georgiyeva belə bir bəyanatla çıxış edib.
O, Çinin Haynan adasında keçirilən “Boao Asiya Forumu”nda deyib: “Biz 2023-cü ilin daha çətin il olacağını, Ukraynadakı müharibənin təsiri ilə qlobal iqtisadi artımın 3%-dən aşağı olacağını gözləyirik”. pizza
Georgiyevanın sözlərinə görə, dünyada aşağı faiz dərəcələrindən xeyli yüksək faiz dərəcələrinə sürətli keçid var.
“İnflyasiya iqtisadi cəhətdən inkişaf etmiş bəzi ölkələrin bank sektoru üçün istər-istəməz qeyri-müəyyənlik yaradır”, – deyə o əlavə edib.
IMF-nin icraçı direktorunun izah etdiyi kimi, inkişaf strategiyasının hazırlanması son vaxtlar ölkələr üçün getdikcə çətinləşir.
“Asiya dinamizmin mənbəyidir. Çin və Hindistanın bu il qlobal artıma 50% töhfə verəcəyini proqnozlaşdırırıq. Bununla belə, onlar da qeyri-sabitlik hiss edəcəklər”, – Georgiyeva bildirib.
O, hesab edir ki, qloballaşmanın faydaları ölkələr və insanlar arasında qeyri-bərabər paylanır:
“Son 40 ildə dünya iqtisadiyyatı üç dəfə artıb. Asiya ölkələri üçün ticarət inteqrasiyası onilliklər ərzində davamlı ÜDM artımının əsas aparıcısı olmuşdur. Amma onu da etiraf etməliyik ki, qloballaşmanın faydaları ölkələr və insanlar arasında bərabər bölünmür. Bu problemlərin həlli praqmatik yanaşma və birgə işləmək tələb edir”.
Telegram kanalımız
