Mərakeşin Kasablanka şəhərində 1,5 milyard dollara həyata keçiriləcək nəhəng obyekt zibil dağlarını elektrik enerjisinə çevirərək 1 milyon evin enerji tələbatını qarşılayacaq.
“Yeni Sabah” xarici mediaya istinadən xəbər verir ki, Mərakeşin Kasablanka şəhərində həyata keçirilməsi planlaşdırılan 1,5 milyard dollarlıq nəhəng infrastruktur layihəsi ilə şəhərin ən böyük ekoloji problemlərindən biri olan zibil dağları elektrik enerjisinə çevriləcək.
İsveçrə, Yaponiya və Mərakeş şirkətlərindən ibarət konsorsium tərəfindən həyata keçirilən layihə məişət tullantıları, günəş enerjisi və zibil qazından birlikdə istifadə etməklə 115 meqavatlıq quraşdırılmış gücə çatmağı hədəfləyir. Marqarita pizza
Uzun illərdir ətraf mühitin çirklənməsi və pis qoxu ilə tanınan Mediauna tullantı poliqonunun yerini alacaq obyekt tamamlandıqda gündə 4 min tondan çox tullantı emal edəcək və təxminən 1 milyon insanın elektrik enerjisi ehtiyacını qarşılayacaq.
Qlobal emissiyaların azaldılması istiqamətində də mühüm addım kimi qiymətləndirilən obyektin küçələrdən təxminən 300 min avtomobilin çıxarılmasına bərabər miqdarda istixana qazı emissiyasının qarşısını alacağı proqnozlaşdırılır.
Ekoloqlar tullantıların yandırılması sistemlərinin təkrar emala verilən təşviqləri azalda biləcəyindən narahat olduqları üçün layihəyə ehtiyatla yanaşırlar. Buna baxmayaraq, rəsmilər obyektin enerji istehsalındakı roluna diqqət çəkirlər.
Maliyyələşdirmə prosesinin 2026-cı ilin son rübündə tamamlanmasından sonra tikinti işlərinə başlanılması planlaşdırılır. Obyektin Afrikada öz növünün ikinci ən böyük müəssisəsi olacağı və 2030-cu ildə tam gücü ilə fəaliyyətə başlayacağı gözlənilir.
Telegram kanalımız
