2022-ci ildə Avropa İttifaqında 1 milyona yaxın insan beynəlxalq müdafiə üçün müraciət edib.
Yenisabah.az "Associated Press"ə istinadla xəbər verir ki, sığınacaq üçün müraciətlərin sayı 2015-2016-cı illərdəki qaçqın böhranından bəri görünməmiş səviyyəyə çatıb.
Aİ Sığınacaq Agentliyi keçən il 27 Aİ ölkəsində, o cümlədən Norveç və İsveçrədə 966 min sığınacaq üçün müraciət edildiyini və bunun 2021-ci ilə nisbətən 50% artdığını bildirib. Toyuqlu pizza
Bu rəqəmlərə Aİ-nin hesablamalarına görə, sayı 4 milyon nəfərdən çox olan ukraynalı qaçqınlar daxil deyil.
Suriyalılar 130.000-dən çox müraciətlə Avropadan sığınacaq axtaranlar arasında birinci yeri tutmağa davam edir. Onları 2021-ci ilin avqustunda 129.000 iddia ilə "Taliban" ələ keçirdikdən sonra artan təhlükəsizlik, humanitar və maliyyə problemlərindən qaçan əfqanlar yaxından izləyir.
Üçüncü yerdə Türkiyə gəlir - 55 min müraciət.
Ötən il Venesuelalılar, Kolumbiyalılar, Banqladeşlilər və Gürcülər, həmçinin Mərakeş, Tunis və misirlilər rekord sayda sığınacaq istəyiblər.
Avropa agentliyi keçən il hansı Aİ ölkələrinin daha çox müraciət aldığını açıqlamayıb. Amma agentliyin nəzərdən keçirdiyi Aİ-nin daxili miqrasiya hesabatında ilk beşlik Almaniya, Fransa, İspaniya, Avstriya və İtaliyadır.
Telegram kanalımız
