Azərbaycanda daha bir bank ləğv edilir? - Mərkəzi Bankdan  AÇIQLAMA

Azərbaycanda daha bir bank ləğv edilir? - Mərkəzi Bankdan AÇIQLAMA

İqtisadiyyat Veb saytların hazırlanması

04 Dekabr 2023 21:01 31815


Azərbaycanın yeganə regional bankı “Naxçıvan Bank” ASC-nin kredit portfeli “Kapital Bank” ASC-yə ötürülüb.

Bununla bağlı məlumatı “Report”a Azərbaycan Mərkəzi Bankından (AMB) təsdiqləyiblər.

Bununla belə, tənzimləyici qurum bəyan edib ki, portfelin satılması “Naxçıvan Bank”ın lisenziyasının ləğv ediləcəyi demək deyil:

“Bu, bankın biznes strategiyasına daxil olan məsələlərdəndir. “Naxçıvan Bank”ın maliyyə dayanıqlığı göstəriciləri AMB-nin müəyyən etdiyi requlyativ tələblər çərçivəsindədir, Bankın lisenziyasının geri çağırılması gündəmdə deyil”.

Xatırladaq ki, “Naxçıvan Bank” 2008-ci ildə yaradılıb. Onun nizamnamə kapitalı 94 milyon manatdır. Bankın səhmlərinin 63,66%-i Hüseyn Məmmədova, 26,52%-i Rüfət Məmmədova (Müşahidə Şurasının üzvü), 9,82%-i isə Binnət Novruzova (Müşahidə Şurasının sədri) məxsusdur.


Telegram kanalımız
Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!