“Rəsmi rəqəmlərə görə Azərbaycanda yoxsulluq həddində yaşayanlar əhalinin cəmi 5,1%-ni təşkil edir. Dünya bizə baxıb qibtə edir, ah çəkir, köks ötürür, bu göstərici: Latviyada – 27%, Rumıniyada – 24%, Bolqarıstanda – 22%, Litvada – 21%, Almaniyada – 16%, İsveçdə – 13%, Danimarkada – 13%, Avstriyada – 12%-dir. ABŞ da isə 20%-dən çoxdur”.
“Yeni Sabah” xəbər verir ki, bunu iqtisadçı ekspert Natiq Cəfərli deyib. O yoxsulluq həddinin azaldılmasından söz açıb:
“Bəs yaxşı Azərbaycan hökuməti nə fokus göstərib ki, rəqəmlər belə alınır? Çox sadə - yoxsulluq həddi indikatorları köhnədir, real deyil, çox aşağı göstəricilərlə hesablanır. Məsələn, Almaniyada aylıq gəliri 950 avrodan az olanlar kasıb sayılırlar, yəni 1900 manatdan aşağı gəliri olan yoxsuldur - bizdə camaat 1900 manat maaş almaq, pul qazanmaq üçün day-day axtarır ki, elə işə düzəltsin. Sezar pizza
Ya da, ABŞ-da illik gəliri 20 min dollardan az olanı yoxsul sayırlar - yəni, ildə 34000 min, ayda 2830 manat qazanana kasıb deyirlər, bizdə isə aya 2830 manat qazanana, "haladı, bravo, uşaqda fərasətə bax", deyib onunla qohum olmaq istəyirlər, elə kürəkən, ya gəlin axtarırlar.
Yəni bizdə hökumət "rəqəmlərlə rəqs edərək" yoxsul insanların ümumi əhaliyə nisbətən sayını Amerikadan, Almaniyadan az çıxardır. Çox demirəm, bizdə yoxsulluq həddi 500 manat, 4 nəfərlik ailə üçün 2000 manat olsa, ölkənin 70-80%-i yoxsulluq həddinə düşər...”
Telegram kanalımız
