Maşınlara plonka çəkilməsi ilə bağlı dəyişiklik olacaq  Prezident fərman imzaladı
12 Apr 2021 18:31
586

Maşınlara plonka çəkilməsi ilə bağlı dəyişiklik olacaq Prezident fərman imzaladı

Nazirlər Kabineti nəqliyyat vasitələrinin şüşələrinə örtüklərin çəkilməsinin yeni qaydasını müəyyən etməlidir.

Yenisabah.az xəbər verir ki, bu, Prezident İlham Əliyevin bu gün imzaladığı “Yol hərəkəti haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 1998-ci il 22 noyabr tarixli 24 nömrəli Fərmanında dəyişiklik edilməsi haqqında” fərmanda əksini tapıb.

Fərmana əsasən, Nazirlər Kabineti “Yol hərəkəti haqqında” Azərbaycan Respublikasının Qanununa 1 saylı Əlavə – “Nəqliyyat vasitələrinin nasazlıqlarının siyahısı”nın VII hissəsinin 3-cü bəndinə uyğun olaraq, nəqliyyat vasitələrinin şüşələrinə örtüklərin çəkilməsi qaydasını üç ay müddətində Azərbaycan Respublikasının Prezidenti ilə razılaşdırmaqla müəyyən etməlidir.

Qeyd edək ki, “Yol hərəkəti haqqında” qanuna edilən dəyişikliyə əsasən, sürücünün görünüş dairəsini məhdudlaşdıran, şüşənin şəffaflığını korlayan, yol hərəkəti iştirakçılarını zədələmək təhlükəsi yaradan nəqliyyat vasitələrinin nasazlıqları sırasına jalüz çəkilməsi də daxil edilib.

Bizi Telegram-da oxuyun. Azərbaycanın və dünyanın ən vacib xəbərləri Şahidi olduğunuz hadisələri çəkib bizə göndərin!

Oxşar xəbərlər