Milli Məclisin iclasında deputat Qüdrət Həsənquliyev müzakirələrin üç saat fasiləsiz davam etməsinə etirazını bildirib.
Yenisabah.az xəbər verir ki, Q.Həsənquliyev deyib ki, müzakirələr 1,5 saat davam etdikdən sonra qəhvə, çay fasiləsi verilməlidir.
Onun fikrincə, iclasın gündəliyinə az məsələ salınmalıdır ki, çox davam etməsin. Sezar pizza
Parlamentin sədri Sahibə Qafarova cavab olaraq qeyd edib ki, koronavirus pandemiyası ilə əlaqədar gündəliyə çox məsələ salınır.
Bu zaman deputat İmamverdi İsmayılov yerdən “deputatlar az danışsınlar” deyə replika atıb. Spiker Sahibə Qafarova isə bildirib: “Necə danışmasınlar? Vacib məsələlərdir. Hamımız deputatıq, danışmaq istəyirik”.
Telegram kanalımız
