Yəməndəki husilərin Səudiyyə Ərəbistanına hücumları Pakistanı hərəkətə keçirib. İslamabad İrana xəbərdarlıq edərək husilər üzərindəki təsirindən istifadə etməyi və hücumların qarşısını almağı tələb edib.
"Yeni Sabah" xəbər verir ki, Pakistanlı rəsmi ölkəsinin Səudiyyə Ərəbistanını müdafiə etməsini nəzərdə tutan bir neçə razılaşmanın olduğunu bildirib.
Onun sözlərinə görə, Pakistan hazırda münaqişəyə birbaşa qoşulmaq istəmir. Lakin hücumların davam edəcəyi təqdirdə ölkənin Səudiyyə Ərəbistanını müdafiə etmək üçün hərbi müdaxiləyə məcbur qala biləcəyi bildirilib. Marqarita pizza
Pakistan Hərbi Hava Qüvvələrinin Səudiyyə Ərəbistanının husilərə qarşı Yəməndə həyata keçirdiyi əməliyyatlara birbaşa qoşulacağı gözlənilmir.
Bununla belə, husilərin Səudiyyə Ərəbistanına hücumlarını davam etdirməsi halında Pakistanın ölkədəki hava hücumundan müdafiə imkanlarından istifadə edə biləcəyi qeyd olunur.
Hazırda husilərin Səudiyyə Ərəbistanının cənubundakı neft obyektlərinə ballistik raketlərlə hücum etdiyi bildirilir. Pakistan isə bu hücumların dayandırılması üçün İrana müraciət edib.
İslamabadın bu addımı ABŞ-İran qarşıdurmasının bölgəyə daha geniş yayılacağı ilə bağlı narahatlıqları da artırıb. Səudiyyə Ərəbistanı ilə İranın dəstəklədiyi husilər arasında gərginliyin artması digər ölkələrin də münaqişəyə cəlb olunması riskini yüksəldir.
Pakistan daha əvvəl ABŞ və İran arasında vasitəçilik etməyə çalışıb. İslamabadın apardığı dolayı danışıqlardan sonra tərəflər arasında razılaşma hazırlanıb. Lakin sonradan tərəflərin bir-birini razılaşmanı pozmaqda ittiham etməsi və hücumların yenidən başlaması sənədin faktiki olaraq qüvvədən düşməsinə səbəb olub.
Pakistanın Səudiyyə Ərəbistanı ilə müdafiə əlaqələri Türkiyənin də daxil olduğu üçtərəfli razılaşma ilə daha geniş çərçivəyə salınıb. Belə ki, Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə Ortаq Müdafiə Sazişi imzalanıb.
Sazişə əsasən, tərəflərdən birinə qarşı edilən hücum digər tərəflərə qarşı da hücum kimi qiymətləndirilir. Sənədi Prezident Rəcəb Tayyib Ərdoğan, Səudiyyə Ərəbistanının vəliəhdi Məhəmməd bin Salman və Pakistanın Baş naziri Şahbaz Şərif imzalayıb.
Bu razılaşmanın bölgədəki mövcud gərginlik fonunda ilk dəfə tətbiq edilə biləcəyi bildirilir.
Əsmətxanım Rzazadə
Telegram kanalımız
