Sumqayıtda bıçaqlı insident baş verib.
Yenisabah.az Oxu.Az-a istinadən xəbər verir ki, hadisə şəhərin 5-ci mikrorayon, ev 32 ünvanında qeydə alınıb.
Belə ki, üç nəfər arasında baş verən dava bıçaqlanma ilə nəticələnib. Mübahisənin iki tanışın birləşərək orta yaşlı kişini döyməsi ilə başladığı bildirilir. Onların arasındakı ədavətin səbəbi məlum deyil. Dördpendirli pizza
Hadisə yerinə polis əməkdaşları gəliblər. Davada iştirak edən şəxslərdən biri saxlanılıb.
Daxili İşlər Nazirliyinin (DİN) Mətbuat Xidməti də hadisə ilə bağlı məlumat yayıb.
"Avqustun 12 də Sumqayıt şəhəri ərazisində bir nəfərin kəsici-deşici alətlə xəsarət alması barədə polisə məlumat daxil olub.
Polis əməkdaşları tərəfindən keçirilən tədbirlərlə əməli törətməkdə şübhəli bilinən E.Quliyev müəyyən olunaraq saxlanılıb.
Faktla bağlı araşdırma aparılır", - deyə məlumatda bildirilir.
Telegram kanalımız
