Burada reklam sizin uğurunuzdur.

tel/whatsapp: 070 855 41 11

Burada reklam sizin uğurunuzdur.

tel/whatsapp: 070 855 41 11

Altı saatlıq böhran: Sosial şəbəkə məlumatları oğurlanıbmı?
07 Okt 2021 13:44
1634

Altı saatlıq böhran: Sosial şəbəkə məlumatları oğurlanıbmı?

Ötən günlərdə sosial şəbəkələrin fəaliyyətində problem yaranmışdı. Həmin şəbəkələrin istifadəçiləri hesablarına daxil ola bilmirdilər. Nəhayət 6 saat aradan sonra problem öz həllini tapdı.

Cəmiyyətdə müəyyən fikirlər var ki, şəbəkələr fəaliyyətini bərpa etdikdən sonra şəxsi hesablar kimlərsə tərəfindən oğurlanıb. Xüsusən də “WhatsApp” hesabların oğurlandığı haqqında şayiələr dolaşır. Maraqlıdır, bu iddialar nə dərəcə də doğrudur?

İT mütəxəssisi Vahid Qasımov Yenisabah.az-a açıqlamasında hesabların oğurlanması ilə bağlı yayılan məlumatların öz təsdiqini tapmadığını deyib:

““Facebook”, “WhatsApp” və “Instagram” işləmədiyi müddətcə şayiələr yayılmışdı ki, bir neçə milyardlıq “Facebook” hesabı oğurlanıb. Lakin fəaliyyətləri yenidən bərpa olunduqdan sonra bu deyilənlər öz təsdiqini tapmadı. Yəni ki, şayiə idi. Heç bir hesab oğurlanmayıb. Baş verən proses xaker hücumuna oxşamır. Bu sistem daxili problem idi”.

Mütəxəssisin sözlərinə görə, hər hansı bir şəxsin hesabının oğurlanması heç bir önəm kəsb etmir:

“Prinsipcə narahatçılığa ehtiyac yoxdur. Birdə ki, oğurlansa, kim tərəfindən oğurlanacaq? Siz NASA-da işləyən bir elm adamı, dünya miqyaslı siyasətçi deyilsinizsə, Hindistandan kimsə sizin şəkillərinizi oğurlasa nə olacaq, oğurlamasa nə olacaq. Onsuz da bu elə şeydir ki, “Facebook”a, “Instagram”a həmin şəxs özü şəkillərini yerləşdirir. Dostluq göndərən bütün hər kəs onları görə bilir.

Reallıq da ondadır ki, biz tanımadığımız bir çox adamın dostluğunu qəbul edirik və beləliklə öz əlimizlə özümüz həmin məlumatları açıq şəkildə paylaşmış oluruq. Ona görə də bundan narahat olmağa dəyməz. Onsuz da bu şayiələr öz təsdiqini tapmayıb”.

Nəzrin Vahid

Bizi Telegram-da oxuyun. Azərbaycanın və dünyanın ən vacib xəbərləri Şahidi olduğunuz hadisələri çəkib bizə göndərin!

Oxşar xəbərlər