Haitidə təsirli olan leysan yağışların səbəb olduğu sel və torpaq sürüşmələrində ilk təsbitlərə görə 8 nəfər itkin düşüb, 15 nəfər ölüb.
Yenisabah.az “Reuters”ə istinadla xəbər verir ki, daşqın ucbatından təxminən 13 400 nəfər evlərindən təxliyə edilib.
Güclü yağışların səbəb olduğu sel və torpaq sürüşmələrində 7 400-dən çox evə ziyan dəyib.
Haiti Baş naziri Ariel Henri hökumətin daşqınlardan zərər çəkənlərə kömək etmək üçün yerli və beynəlxalq təşkilatlarla əməkdaşlıq etdiyini bildirib.
Xatırladaq ki, 2016-cı ildə Haitidə “Metyu” qasırğası nəticəsində 800-dən çox insan həlak olub.
Telegram kanalımız
