Tanınmış idmançı Kamil Zeynallı ötən gün gözləri çıxarılan və cinsiyyət orqanı kəsilən itə sahib çıxıb. Yenisabah.az xəbər verir ki, o, heyvanın görüntülərini sosial şəbəkədə paylaşaraq itin müalicəsini öz boynuna götürdüyünü yazıb: "Nə deyim bilmirəm… Bu itdən narahat qalanlara deyim ki, narahat olmayın. İtin müalicəsini, əməliyyatını öz üzərimə götürdüm. Görməsə də, rahatlığı təmin olunacaq. Əgər kimsə mənə kömək etmək istəsə, buyursun zəng vursun". K.Zeynallı iti bu hala salan şəxsin kim olduğunu deyənə mükafat da vəd edib: "Əgər kimsə görübsə, bilən varsa, mənə desə ona hədiyyə verəcəm. Pul mükafatı verəcəm həmin adama, and olsun Allaha! Təki mənə deyin ki, bunu kim edib". Xatırladaq ki, ötən gün Azərbaycanda naməlum şəxs tərəfindən heyvana qarşı ağlasığmaz hərəkətlər edilib. İşgəncələrə məruz qalmış it Sabunçu rayonu Balaxanı qəsəbəsi yaxınlığında tapıləb. Heyvanın fotoları görənləri dəhşətə gətirib. Naməlum şəxs və ya şəxslər itin gözlərini çıxarıb, cinsiyyət orqanını kəsərək ona ağır işgəncələr veriblər. https://www.youtube.com/watch?v=OAQYuC6b4so&fbclid=IwAR37r4IFGvnRVJZkxJPa7UrafaYGlJTJxpscEXzTs8l8agzlmg_CxWvhF4k
Telegram kanalımız