“Tikinti şirkətlərinin dələduzluqlarının qarşısını almaq hökumətin imkanları daxilindədir. Sadəcə, həmin mənzillərin satışını elektronlaşdırmaq lazımdır”.
Bu sözləri “Yeni Sabah”a açıqlaması zamanı iqtisadçı ekspert Qadir İbrahimli deyib. Prezident Administrasiyasının şöbə müdirinin əhalinin şikayət etdiyi tikinti şirkətlərinin siyahısını açıqlamasına münasibət bildirən ekspertin sözlərinə görə, mənzil satışı tikinti şirkətinin funkiyalarına daxil olsa da, həmin alqı-satqı prosesi qeydiyyatdan keçməlidir.
“Bu təcrübə ilk dəfə Moskvada tətbiq olunub. Yəni mənzil almaq istəyən hər bir vətəndaş elektron xidmətlərə daxil olub, həmin mənzilin satılıb satılmadığını yoxlaya bilər. Belə dələduzluqlar Moskvada da qeydə alınmışdı və bunun qarşısı alındı. Marqarita pizza
Azərbaycanda uzun müdddətdir ki, bu proses davam edir. 2008-ci ildən başlayaraq dələduzluq az qala kültəvi xarakter daşıyır. Bunun qarşısını almaq mexanizmləri isə yoxdur. Çox yaxşı olardı ki, həmin alqı-satqı prosesi elektronaşdırılsın. Bunu həm Asan Xidmətin tərkibində, həm də Daşınmaz Əmlak Komitəsi vasitəsilə etmək olar”.
Q. İbrahimli bildirib ki, məsələylə bağlı qərarlar qəbul olunduqdan sonra bu proses şəffaflaşmalıdır: “Ən çox itirən vətəndaş olur. İllərlə pul yığır, borca girir, digər əmlakını satır ki, ev sahibi olsun. Sonra da hansısa dələduzun qurbanına çevrilir.
Lap həmin dələduza 15-20 il iş versinlər, axı bu həmin vətəndaşın problemini həll etmir. Bu baxımdan alqı-satqı prosesinin elektronlaşdırılması və dövlət qurumları tərəfindən ilkin qeydiyyatı vacibdir. Elektronlaşdırıldıqdan sonra kiçik maarifləndirmə işi aparılmalıdır. Moskva təcrübəsi göstərdi ki, bununla da problem həllini tapır”.
Ekspert vurğulayıb ki, hazırda adları çəkilən şirkətlər tərəfindən vətəndaşlara dəyən ziyanın ödənilməsi üçün məsələ hüquqi yolla həll olunmalıdır. Yəni həmin insanların həbs olunması problemi dəyişdirmir, əksinə dərinləşdirir. Şirkətlərə vaxt verilməlidir ki, vətəndaşların problemini həll etsinlər. Söhbət problemin həllindən gedir, kiminsə həbs olunması axrıncı variantdır. Mənə elə gəlir ki, bir çox hallarda bu varianta əl atmamaq olar, təki vətəndaşlara dəyən ziyan ödənilsin”.
Əsmər Qabil
Telegram kanalımız
