Azərbaycan hərbi qulluqçuları Türkiyə Respublikasında beynəlxalq qış təliminə hazırlıq məşqləri davam edir.
“Yeni Sabah” xəbər verir ki, Əlahiddə Ümumqoşun Ordunun mətbuat xidmətinin yaydığı məlumata görə, çoxmillətli, beynəlxalq səviyyəli qış təlimindəçətin relyefli ərazilərdə, qarlı, şaxtalı havalarda döyüş əməliyyatlarının aparılması tapşırıqlarını yerinə yetirəcək hərbi qulluqçularımızın hazırlıq məşqləri davam edir. 28 ölkənin iştirak etdiyi qış təliminə hazırlıq məşqlərində ölkəmizi təmsil edən Əlahiddə Ümumqoşun Ordunun hərbi qulluqçuları antiterror əməliyyatları zamanı binalarda yaxın məsafədə döyüş elementlərini məşq edirlər. Döyüş əməliyyatları zamanı yüksək dağlıq ərazilərdə qar uçqununa düşmüş yaralıların aşkar edilərək təxliyyəsi həyata keçirilir. Türkiyə RespublikasınınQars şəhərində keçirilən məşqlərlə yanaşıKayseri şəhərində paraşütçü komandolarımız ən çətin tapşırıqları praktiki olaraq yerinə yetirirlər.
Telegram kanalımız
