Rəqəmsal İnkişaf və Nəqliyyat Nazirliyində yeni kadr təyinatı olub.
“Yeni Sabah”ın əldə etdiyi xəbərə görə, bununla bağlı rəqəmsal inkişaf və nəqliyyat naziri Rəşad Nəbiyev müvafiq əmr imzalayıb.
Əmrə əsasən, Elvin Məmmədov nazirliyin Strateji inkişaf və iqtisadi təhlil şöbəsinin müdir müavini təyin edilib. Toyuqlu pizza
Qeyd edək ki, E.Məmmədov Azərbaycan Dövlət İqtisad Universitetinin Ticarət və istehlak kooperasiyaların iqtisadiyyatı və idarə edilməsi üzrə bakalavr və eyni universitetin MBA proqramı üzrə Maliyyə ixtisası üzrə təhsili alıb.
O, 2019-2022-ci illərdə “Yalama Agropark” MMC-də baş maliyyə inzibatçısı, 2022-ci ilin avqust ayından son təyinatına kimi isə “Cyber point” şirkətində Maliyyə departamentinin rəhbəri və direktor müavini kimi çalışıb.
2024-cü ilin dekabrında Rəqəmsal İnkişaf və Nəqliyyat Nazirliyinin tabeliyində fəaliyyət göstərən İnnovasiya və Rəqəmsal İnkişaf Agentliyinin İdarə heyətinin sədrinə yeni müşavir təyin edilib.
Nazim Hacıyev
Telegram kanalımız
