Yəməndə İranın dəstəklədiyi husilər ilə Səudiyyə Ərəbistanının dəstəklədiyi hökumət qüvvələri arasında döyüşlər yenidən şiddətlənib.
“Yeni Sabah” xəbər verir ki, husilər ölkənin qərbində həyata keçirdikləri hücumlar zamanı çox sayda hökumət əsgərini əsir götürüb. Yayılan görüntülərdə hərbçilərin silahlı şəxslərin nəzarətində ərazidən aparıldığı görünür. Lakin əsirlərin dəqiq sayı hələlik açıqlanmayıb.
Husilərin Hays və Əl-Havha bölgələrində irəliləyərək strateji Muha limanını ələ keçirdiyi bildirilir. Qruplaşma daha sonra Babülməndəb boğazı ətrafında, o cümlədən Perim adasında mövqelərini gücləndirib. pizza mizza
Səudiyyə Ərəbistanının dəstəklədiyi qüvvələr son həftələrdəki döyüşlərdə 500-dən çox hökumət əsgərinin öldüyünü, husilər tərəfdən isə təxminən 1000 döyüşçünün həyatını itirdiyini açıqlayıb. Bu rəqəmlər müstəqil mənbələr tərəfindən təsdiqlənməyib.
Husilərin irəliləyişindən sonra Səudiyyə Ərəbistanının hava hücumlarını artırdığı, husilərin isə raket və PUA-larla cavab verdiyi bildirilir.
Qeyd edək ki, qarşıdurmalar Qırmızı dənizdə təhlükəsizliklə bağlı narahatlıqları da artırıb. Babülməndəb boğazı beynəlxalq dəniz ticarəti üçün mühüm marşrutlardan biridir.
Aydan Hacı Formanın Yuxarısı
Formanın Aşağısı
Telegram kanalımız
