Arif Alışanovun AzTV-nin sədri vəzifəsindən azad olunmazdan bir neçə gün əvvəl elan etdiyi tender ləğv olunub.
“Yeni Sabah” xəbər verir ki, elan yanvarın 11-də verilib və bu gün bildirilib ki, açıq tender proseduru korporativ səbəblərə görə təxirə salınır. Satınalma prosesinin yenidən keçirilməsi ilə bağlı müvafiq elan veriləcək.
Qeyd edək ki, həmin tender AzTV üçün dəftərxana ləvazimatlarının, təsərrüfat mallarının, elektrik mallarının və yeni kartriclərin alınması və doldurulması xidmətlərinin satınalınması ilə bağlı olub. pizza sifarişi
Maraqlıdır ki, həmin gün AzTV daha bir tender elan edib. Bu, QSC-nin balansında olan nəqliyyat vasitələrinin servis xidmətlərinin və cəmiyyətin balansında olan nəqliyyat vasitələri üçün ehtiyat hissələrinin satınalınması ilə bağlı olub. Bu haqda isə hələlik heç bir qərar yoxdur.
Telegram kanalımız
