Rusiyanın xarici işlər naziri Sergey Lavrov mayın 20-21-də İrəvana səfər edəcək və baş nazir Nikol Paşinyanla görüşərək ikitərəfli gündəlik və regional təhlükəsizliklə bağlı geniş spektrli məsələləri müzakirə edəcək.
Yenisabah.az xəbər verir ki, bu barədə Rusiya XİN məlumat yayıb.
"Gündəliyə ikitərəfli əməkdaşlığın geniş spektri məsələlərinin müzakirəsi, Avrasiya inteqrasiya birlikləri xətti üzrə qarşılıqlı fəaliyyət, beynəlxalq platformalarda, ilk növbədə BMT-də mövqelərin əlaqələndirilməsi daxildir". pizza
Lavrovun təmaslarına Ermənistanın xarici işlər naziri Ararat Mirzoyanla danışıqlar da daxildir. Baş nazir Paşinyan və prezident Vahan Xaçaturyanla söhbətləri gözlənilir.
"Xarici siyasət idarələrinin rəhbərləri regional təhlükəsizlik məsələləri, o cümlədən Ermənistan-Azərbaycan və Ermənistan-Türkiyə normallaşma proseslərinin perspektivləri barədə fikir mübadiləsi aparacaqlar. 2025-2026-cı illər üçün nazirliklərarası məsləhətləşmələr planının imzalanması planlaşdırılır", - XİN-in məlumatında deyilir.
“Moskva bu səfərin Rusiya və Ermənistan arasında siyasi və idarələrarası dialoqun gücləndirilməsinə töhfə verəcəyini, qarşılıqlı anlaşmanın artmasına və tərəflərin hər birini maraqlandıran məsələlərin qarşılıqlı məqbul həll yollarının tapılmasına səbəb olacağını gözləyir”.
Telegram kanalımız
