İngiltərə Premyer Liqasının nəhəngləri arasında yer alan "Çelsi" klubunun mülkiyyət strukturunda tarixi dəyişiklik baş verib. Klubun rəsmi bəyanatına əsasən, Tadd Boeli və Mark Uolter öz hissələrini əsas səhmdar olan "Clearlake Capital" investisiya fonduna satıblar.
“Yeni Sabah” xəbər verir ki, əvvəllər klubun 61.5% payına sahib olan "Clearlake Capital", bu razılaşma ilə "Çelsi"nin bütün idarəçiliyini və tam nəzarətini öz üzərinə götürüb. Satış müqaviləsinin şərtlərinə əsasən, 2022-ci ildən bəri klubun idarə heyətinin sədri vəzifəsini icra edən Tadd Boeli postunu tərk edir.
Böyük Britaniya mətbuatının məlumatına görə, "Clearlake Capital" bu payları almaq üçün təxminən 950 milyon funt-sterlinq (yaxınlıqda 1 milyard funt) vəsait xərcləyib. İdarəçiliyin vahid əldə toplanması ilə klub rəhbərliyində uzun müddətdir davam edən fikir ayrılıqlarına və idarəetmə gərginliyinə son qoyulduğu bildirilir. Dördpendirli pizza
Nazim Hacıyev
Telegram kanalımız
