Ölkənin ikinci əl və yeni avtomobil bazarında "Hyundai" markasının müxtəlif modellərinə, xüsusilə, "Sonata", "Elantra" və "Accent"ə olan tələbat artmaqda davam edir.
“Yeni Sabah”ın araşdırmasına əsasən, elan saytlarındakı son qiymət göstəriciləri də sübut edir ki, markanın həm köhnə, həm də son illərin modelləri öz dəyərini yüksək səviyyədə saxlayır.
Bazardakı cari mənzərəyə nəzər saldıqda, 2024–2025-ci illərin yeni "Sonata" və "Elantra" modellərinin qiyməti 42 000 AZN-dən başlayaraq 56 500 AZN-ə qədər yüksəlir. İşlənmiş segmentdə isə 2019–2022-ci il "Sonata"lar 30 900 – 35 900 AZN, daha köhnə (2009–2014) nəsil modellər isə 14 000 – 24 500 AZN civarında təklif olunur. Pepperoni pizza
Qiymət artımına və yüksək tələbata təsir edən əsas amillərdən biri Cənubi Koreya brendinin ehtiyat hissələrinin həm orijinal, həm də analoq variantlarının bazarda rahat tapılması və təmir xərclərinin digər markalara nisbətən əlverişli olmasıdır ki, bu da alıcıların seçimində həlledici rol oynayır.
Eyni zamanda, "Hyundai" modelləri Azərbaycan avtomobil bazarında sürətli satılan, yəni yüksək likvidliyə malik nəqliyyat vasitələri hesab olunur; sahibləri bu avtomobilləri ikinci əl bazarında minimal dəyər itkisi ilə və çox qısa müddətdə nağd pula çevirə bilirlər.
Xüsusilə 1.6L və 2.0L mühərrikli "Elantra" və "Sonata" modelləri gündəlik şəhər içi sürüş üçün optimal yanacaq sərfiyyatı və geniş salon rahatlığı təqdim edir. Bundan əlavə, "Accent" və "Elantra" modellərinin həm fərdi istifadə, həm də xidmət və taksi sektorunda dözümlülüyü ilə tanınması onların işlənmiş bazarındakı qiymət stabilitini qoruyub saxlayır.
Ekspertlərin fikrincə, yeni avtomobil idxalındakı rüsumlar və digər brendlərin ehtiyat hissələrində yaşanan logistik bahalaşma fonunda "Hyundai" modellərinə olan kütləvi marağın və qiymət artımı tendensiyasının yaxın dövrdə də davam edəcəyi gözlənilir.
Nazim Hacıyev
Telegram kanalımız
