Burada reklam sizin uğurunuzdur.

tel/whatsapp: 070 855 41 11

Burada reklam sizin uğurunuzdur.

tel/whatsapp: 070 855 41 11

Çempionlar Liqası: “Araz-Naxçıvan” əsas mərhələyə məğlubiyyətlə başlayıb
28 Okt 2021 21:58
353

Çempionlar Liqası: “Araz-Naxçıvan” əsas mərhələyə məğlubiyyətlə başlayıb

"Araz-Naxçıvan" klubu futzal üzrə UEFA Çempionlar Liqasının əsas mərhələsində mübarizəyə başlayıb.

Yenisabah.az xəbər verir ki, B yolunda yer alan Joze Alesio Da Silvanın baş məşqçi olduğu kollektiv 6-cı qrupdakı ilk sınağında Ukraynanın "Uraqan" komandası ilə üz-üzə gəlib. İvano-Frankovsk şəhərindəki Peşəkar Bədən Tərbiyə Kollecinin zalında keçirilən qarşılaşma Azərbaycan çempionunun 1:2 hesablı məğlubiyyəti ilə başa çatıb.

"Uraqan"ın heyətində qolları Nazar Şved və Artem Farenyuk vurublar. "Araz-Naxçıvan"dan isə Ramiz Çovdarov fərqlənib.

Bu qrupun digər matçında Kosovo "Ligeni"si Rumıniyanın "Yunayted Qalati" klubuna 6:4 hesabı ilə qalib gəlib.

Çempionlar Liqası, əsas mərhələ

B yolu

6-cı qrup

20:00. "Uraqan" (Ukrayna) - "Araz-Naxçıvan" (Azərbaycan) - 2:1

Qollar: Nazar Şved, 09`46", Artem Farenyuk, 15`04" - Ramiz Çovdarov, 29`29"

Baş hakim: Yosip Barton (Şimali Makedoniya)

İvano-Frankivski, Peşəkar Bədən Tərbiyə Kollecinin zalı.

Xal durumu: "Ligeni" - 3, "Uraqan" - 3, "Araz-Naxçıvan" - 0, "Yunayted Qalati" - 0.

Qeyd edək ki, 6-cı qrupun oyunları Ukraynada keçirilir./Report

Bizi Telegram-da oxuyun. Azərbaycanın və dünyanın ən vacib xəbərləri Şahidi olduğunuz hadisələri çəkib bizə göndərin!

Oxşar xəbərlər