Şimali Koreyadan qaçaraq Cənubi Koreyaya sığınan bir qrup gənc burada K-pop musiqi qrupu qurub. Onlar həm öz hekayələrini dünyaya çatdırmaq, həm də musiqi vasitəsilə birləşdirici mesajlar vermək niyyətindədirlər.
Yenisabah.az xəbər verir ki, “Maytree” adlı bu qrup, Şimali Koreya rejimindən qaçan gənclər tərəfindən yaradılıb. Onlar Cənubi Koreyada bir araya gələrək həm musiqi yaradır, həm də qaçqınların yaşadığı çətinlikləri gündəmdə saxlamağa çalışırlar.
Qrup üzvləri bildirirlər ki, məqsədləri təkcə musiqi ilə məşğul olmaq deyil – onlar Şimali Koreyadan qaçan insanların səsini duyurmaq və onların çəkdiyi əzabları dünyaya göstərmək istəyirlər. Musiqilərində ümid, azadlıq və insan hüquqları mövzularına xüsusi yer verilir. pizza mizza
Qeyd edək ki, Şimali Koreyadan Cənubi Koreyaya keçən qaçqınların sayı az olsa da, onların bir çoxu burada sosial adaptasiya problemi yaşayır. “Maytree” qrupu isə bu çətinlikləri mədəniyyət və sənət vasitəsilə aşmağa çalışır.
Aydan Hacı
Telegram kanalımız
