Şirvan sakin Ağamusa Bastanov problemlə üzləşib.
O, vəzifədən qanunsuz azad olunduğuna dair iddia ilə “Yeni Sabah”a müraciət edib. Şikayətçi 25 ildir ki, dövlət və özəl müəssisələrdə əmək fəaliyyəti ilə məşğul olduğunu bildirib:
"2016-cı ildə çalışdığım müəssisə bağlandığı üçün iş yerimi itirdim. Daha sonra məzunu olduğum Şirvan şəhər 2 saylı orta məktəbdə təsərrüfat işləri üzrə direktor müavini vakansiyası olduğunu öyrəndim. Vakansiya üçün Şirvan-Salyan Regional Təhsil İdarəsinə müraciət etdim. 4 ay get-gəldən sonra özüm haqqında fikir formalaşdırdım və Salyan şəhərində yerləşən 2 nömrəli məktəbdə imtahan verdim, uğurlu nəticə əldə etdim. Şirvan-Salyan Regional Təhsil İdarəsinin rəisi Sənan Mənsimlinin əmri ilə 3 aylıq sınaq müddətində 12 saylı orta məktəbə təsərrüfat işləri üzrə direktor müavini təyin olundum. İşimin öhdəsindən yüksək səviyyədə gəlirdim. Mənə təqdim olunan xasiyyətnamədə də bu, öz əksini tapıb. Həmin xasiyyətnaməni sınaq müddəti bitəndən sonra Şirvan-Salyan Regional Təhsil İdarəsinə təqdim etdim”. Sezar pizza
Şikayətçi iddia edir ki, rüşvət vermədiyinə görə, işdən azad olunub:
“Sözügedən vəzifəni Kənan Məmmədov adlı şəxsə satdılar. İşdən çıxmağım barədə daha sonra Əmək Müfəttişliyinə müraciət etdim. Ayın 6-sı işdən azad olunmağıma baxmayaraq, əmək davamiyyət jurnalında 13-nə qədər fəaliyyət göstərdiyim qeyd olunmuşdu. Məhkəməyə də bu haqda şikayətimi ünvanladım. Açıq formatda keçirilən məhkəmə iclasından sonra dekabrın 1-də işə bərpa olunaraq, məcburi iş buraxılmağına görə əmək haqqı ödənilməsi ilə bağlı qərar çıxarıldı. Həmin qərarən üzərindən 9 ay keçməsinə baxmayaraq, mən yenə də işsizəm. Bu müddət ərzində heç yerdən gəlirim olmadığı üçün evimin əşyalarını sataraq, qohum-tanışdan yardım alaraq dolanışığımı təmin edirəm”.
Şirvan sakini sözügedən məsələnin araşdırılmasını istəyir.
Aytac Şahin
Telegram kanalımız
