Bakının Həzi Aslanov qəsəbəsində, metrostansiyanın yaxınlığında gecə saatlarında aparılan tikinti işləri ərazidə yaşayan sakinlərin narazılığına səbəb olub.
Sakinlərdən Zəfər Nəsirov “Yeni Sabah”a müraciət edərək işlərin gecə saat 00:00-dan səhər 04:00-a qədər davam etdiyini və bu vəziyyətin təxminən bir ildir davam etdiyini bildirib.
Məsələ ilə bağlı “Yeni Sabah” Bakı Metropoliteni QSC-yə müraciət edərək işlərin səbəbi, gecə saatlarında aparılmasının zərurəti və sakinlərin narahatlığından qurumun məlumatlı olub-olmadığını soruşub. Toyuqlu pizza
Qurumdan sorğumuza cavab olaraq bildirilib ki, sözügedən işlər dalan yollarının bərpası layihəsi çərçivəsində həyata keçirilir:
“Bildiririk ki, sözügedən tikinti meydançası dalan yollarının bərpası layihəsinə aiddir. Artıq podratçıya yerüstü icra edilən işlərin gecə saatlarında həyata keçirilməməsi ilə bağlı əlavə tapşırıq verilib”.
Sakinlərin narahatlığına səbəb olan gecə saatlarında yerüstü işlərin aparılmayacağı bildirilib. Beləliklə, ərazidə yaşayan sakinlərin gecə saatlarında yaranan səs-küylə bağlı narahatlığının aradan qaldırılması gözlənilir.
Əsmətxanım Rzazadə
Telegram kanalımız
