İyunun 20-də Belarus prezidenti Aleksandr Lukaşenko KTMT-yə üzv ölkələrin xarici işlər nazirləri ilə görüşünü keçirib.
Yenisabah.az BelTA-ya istinadla xəbər verir ki, o, təşkilatın çox çətin dövrlə qarşılaşdığını qeyd edib.
KTMT-nin fəaliyyətini qiymətləndirən Aleksandr Lukaşenko bildirib ki, təşkilat bəzən konkret problemləri həll etmədiyinə görə haqlı olaraq tənqid olunur: Dominos pizza
“Qırğızıstan uzun müddətdir ki, Tacikistanla münaqişənin həllində kömək istəyir. Ermənistan haqlı iddialar irəli sürür. Əgər biz bu problemləri həll etməsək, KTMT ölkələri həmişə bir-birini qınayacaq. Biz KTMT ölkələrinin problemlərinə baş vurmalıyıq”
Lukaşenko əlavə edib: “Problemlər var, vəzifələr var, nə qədər çətin olsa da, onlar həll edilməlidir. Biz isə bəzən onların mürəkkəbliyinə görə həll etmək istəmirik”.
O vurğulayıb ki, əgər Qərbdən olan “dost-məsləhətçilərimiz” bu problemlərin həllinə qarışsa, onda nəsə etmək daha çətin olacaq.
Telegram kanalımız
