Ermənistan Rusiya ilə münasibətlərini gərginləşdirmək niyyətində deyil.
"Yeni Sabah" Armenpress-ə istinadla xəbər verir ki, bunu Ermənistanın xarici işlər naziri Ararat Mirzoyan bildirib.
"Heç bir tərəfdaşımızla boşanmaq niyyətimiz yoxdur. Siyasət və diplomatiya bu cür boşanmalarla tanış deyil. Ermənistanla Rusiya arasında münasibətləri gərginləşdirmək niyyətimiz yoxdur", - Mirzoyan Litvanın xarici işlər naziri Kestutis Budris ilə İrəvanda keçirilən birgə mətbuat konfransında bildirib. Dördpendirli pizza
Nazirin sözlərinə görə, Ermənistan və Rusiya çoxsaylı əlaqələrlə bağlı tərəfdaşlardır:
"Bu qarşılıqlı faydalı münasibətləri sağlam müzakirə atmosferində inkişaf etdirmək əzmindəyik. Şübhəsiz, dünya miqyasında bütün münasibətlərdə problemlər var. Sadəcə konstruktiv həll yolları axtarmalıyıq".
Ermənistan xarici işlər naziri qeyd edib ki, rəsmi İrəvan Aİİ və Aİ-yə eyni vaxtda üzvlüyün uyğunsuz olduğunu mükəmməl bilir:
"Aİ ilə yaxınlaşmağa davam edəcəyik və qərar verməli olduğumuz vaxt gələndə bunu edəcəyik".
Telegram kanalımız
