Pakistan Senatının sədri Məhəmməd Sancrani Yunanıstanın Peloponnes yarımadası yaxınlığında baş verən miqrant qayığı qəzasında 300 pakistanlının həyatını itirdiyini açıqlayıb.
Yenisabah.az xarici mətbuata istinadən xəbər verir ki, Yunanıstan rəsmiləri Pakistanın elan etdiyi ölənlərin sayını hələ təsdiqləməyib.
Sağ qalanların ifadələri göstərir ki, qadınlar və uşaqlar baqaj bölməsində səyahət etmək məcburiyyətində qalıb, pakistanlılar isə qayığın ən təhlükəli hissəsinə məhkum ediliblər. Bildirilib ki, pakistanlılar göyərtənin altında getməyə məcbur edilib, digər millətlərdən olan immiqrantlara isə üst göyərtəyə qalxmağa icazə verilib, burada onların çevrilmə zamanı sağ qalmaq şansı daha yüksək olub. Sağ qalanlardan birinin dediyinə görə, şərait o qədər acınacaqlı olub ki, hələ batmamışdan əvvəl şirin su olmadığından 6 nəfər ölüb.Pakistanda 1 günlük milli matəm elan etmək qərara alınıb. Milli matəm çərçivəsində bütün ictimai binalarda bayraqlar yarıya qədər endirilib. Hadisəni araşdırmaq üçün 4 nəfərdən ibarət istintaq komissiyası yaradılıb. pizza sifarişi
Telegram kanalımız
