"İran və ABŞ arasında Pakistanda heç bir görüş planlaşdırılmayıb".
"Yeni Sabah" xəbər verir ki, bunu İran Xarici İşlər Nazirliyinin sözçüsü İsmayıl Bəqai bildirib.
O, sosial media hesabında yazıb: "Biz rəsmi səfər üçün Pakistanın paytaxtı İslamabada gəlmişik. Bu səfər zamanı xarici işlər naziri Abbas Əraqçi ABŞ və İsrailin təcavüzkar müharibəsinə son qoymaq və regionda sülh yaratmaq üçün vasitəçilik səyləri və nəcib səyləri ilə bağlı Pakistanın yüksək vəzifəli rəsmiləri ilə məsləhətləşəcək.
İran və ABŞ arasında heç bir görüş planlaşdırılmır və İslam Respublikasının fikirləri və mülahizələrini Pakistan tərəfi çatdıracaq".
Eyni zamanda, İslamabad mənbələri bildirib ki, bu gün və sabah Abbas Əraqçi ilə keçiriləcək görüşlərdə Tramp administrasiyası ilə danışıqların yenidən başlanması müzakirə olunacaq.
"Bundan sonra ABŞ-in iştirakı ilə üçtərəfli görüş ehtimalı qiymətləndiriləcək", - deyə İslamabad rəsmisi bildirib.
2 digər mənbə bildirib ki, ABŞ səfirləri ilə A.Əraqçi arasında görüş bazar ertəsi günü, Kuşner və Uitkoffun Pakistan vasitəçiləri ilə ayrıca ikitərəfli danışıqlar apardıqdan sonra baş tuta bilər.
Telegram kanalımız
