“KollektA” ASC səhmlərini kütləvi təklif üsulu ilə satışa çıxarır.
“Yeni Sabah” Plat.az-a istinadla xəbər verir ki, Bakı Fond Birjasının Listinq Komitəsi sentyabrın 10-da şirkətin səhmlərinin ticarətə buraxılması barədə qərar qəbul edib.
Emissiya çərçivəsində hər birinin ilkin ticarət qiyməti 410 manat olan 500 ədəd səhm təklif ediləcək. Buraxılışın ümumi həcmi 205 min manat təşkil edir. Marqarita pizza
Səhmlərə abunə yazılışı sentyabrın 14-də başlayacaq və sentyabrın 18-də başa çatacaq. Yerləşdirmə isə sentyabrın 21-də keçiriləcək. Anderrayter “Troni İnvestisiya Şirkəti” QSC-dir.
Qeyd edək ki, “KollektA” problemli borcların idarə olunması və yığılması sahəsində fəaliyyət göstərir. Şirkətin səhmdarları Mədəd Rüstəmov və Camal Aydınovdur – hər biri 40% paya malikdir. Rəşad Səlimovun payı isə 20% təşkil edir.
Telegram kanalımız
