Kreml mümkün dövlət çevrilişi iştirakçılarının kütləvi şəkildə saxlanılması ilə bağlı Qırğızıstandan gələn narahatedici xəbərləri diqqətlə izləyir.
Yenisabah.az xəbər verir ki, bunu Rusiya prezidentinin sözçüsü Dmitri Peskov bildirib.
O deyib: "Əlbəttə, çox narahatedici xəbərlər gəlir. Biz xəbərləri diqqətlə izləyirik. Daha ətraflı məlumatımız yoxdur".
Bundan əvvəl iyunun 5-də “24.kg” agentliyi öz mənbələrinə istinadən Qırğızıstanın xüsusi xidmət orqanlarının mümkün dövlət çevrilişi iştirakçılarının kütləvi saxlanması barədə məlumat yayıb. Nəşr bir neçə şübhəlinin həbsini əks etdirən video yayımlayıb. Bir qrup şəxsin hakimiyyəti zorla ələ keçirməyə hazırlaşdığı bildirilir. Saxlanılanların kimliyi məlum deyil.
Qırğızıstanın Milli Təhlükəsizlik üzrə Dövlət Komitəsi hələlik bu məlumatı şərh etməyib.
Telegram kanalımız
