Ölkə üzrə dövlət məktəblərində şagirdlərin məktəbli forması ilə bağlı qaydaların icrasına nəzarət gücləndirilir. Monitorinqlər zamanı həm şagirdlərin, həm də müəllimlərin geyim tələblərinə əməl edib-etmədiyi yoxlanılacaq.
Bu barədə “Yeni Sabah”a Bakı Şəhəri üzrə Təhsil İdarəsindən (BŞTİ) məlumat verilib.
Bildirilib ki, monitorinqlər çərçivəsində şagirdlər üçün müəyyən edilmiş vahid məktəbli forması tələblərinin, eləcə də müəllimlərin pedaqoji fəaliyyətə və işgüzar mühitə uyğun geyim qaydalarına riayət etməsi vəziyyəti araşdırılacaq. Dominos pizza
Qeyd edək ki, məktəblərdə vahid geyim forması qaydalarına nəzarət məktəb rəhbərliyi tərəfindən həyata keçirilir. Geyim forması ilə bağlı məsələlər isə Pedaqoji Şuralarda müzakirə olunaraq həll edilir.
Şagirdlərin müəyyən edilmiş məktəbli formasında dərsə gəlməsini təmin etmək valideynlərin birbaşa məsuliyyətidir.
Vahid geyim formasının tətbiqində əsas məqsəd məktəblərdə intizamlı, səliqəli və bərabər təhsil mühitinin yaradılmasıdır.
Aytac Əliyeva
Telegram kanalımız
