Şəmkirdə fəaliyyət göstərən bazarlardan birində ciddi nöqsanlar aşkarlanıb. Yoxlama zamanı ət, süd və balıq məhsullarının saxlanma şəraiti ilə bağlı tələblərin pozulduğu müəyyən edilib.
Bu barədə "Yeni Sabah"a Azərbaycan Qida Təhlükəsizliyi Agentliyindən (AQTA) məlumat verilib.
AQTA-nın Qazax-Tovuz regional bölməsinin əməkdaşları Şəmkir şəhəri, 20 Yanvar küçəsində fəaliyyət göstərən “Həbibli-1” MMC-yə məxsus bazarda yoxlama keçirib. Dominos pizza
Yoxlama zamanı bazarda sanitariya norma və qaydalarının, eləcə də texniki normativ hüquqi aktların tələblərinin pozulduğu müəyyən olunub.
Baxış zamanı ət, süd və balıq məhsullarının temperatur rejiminə əməl edilmədiyi, müşayiətedici sənədləri və mənşəyi məlum olmayan məhsulların satışa çıxarıldığı aşkarlanıb. Həmçinin məhsulların saxlanılması üçün xüsusi soyuducuların təmin edilmədiyi, müvafiq təmizlik işlərinin aparılmadığı və digər ciddi nöqsanların olduğu müəyyən edilib.
Faktla bağlı inzibati protokol tərtib olunub. Bazarın fəaliyyəti aşkar edilmiş nöqsanlar aradan qaldırılanadək nəzarətə götürülüb.
Aytac Əliyeva
Telegram kanalımız
