Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi işğaldan azad edilmiş ərazilərdə məskunlaşan sakinlərin məşğulluğunun təminatını davam etdirir.
“Yeni Sabah” xəbər verir ki, özünüməşğulluq proqramı çərçivəsində Ağdərə, Ağdam, Xocalı, Xocavənd, Laçın və Zəngilan rayonlarında yaşayan daha 86 şəxsə istehsalat aktivləri - zəruri mal və materiallar təqdim olunub.
Sakinlər ayrılan dövlət dəstəyi hesabına qoyunçuluq, keçiçilik və arıçılıq sahələri üzrə öz fərdi təsərrüfatlarını və kiçik ailə bizneslərini qurublar. Dövlətin yaratdığı imkanlardan bəhrələnən proqram iştirakçıları təsərrüfatlarını gələcəkdə daha da genişləndirmək niyyətindədirlər. Toyuqlu pizza
Xatırladaq ki, indiyədək azad olunmuş torpaqlarımıza köçürülmüş sakinlərdən ümumilikdə 1048 nəfəri özünüməşğulluq proqramı xətti ilə öz kiçik ailə biznesini yaratmağa nail olub.
Telegram kanalımız
