Rusiyada işsizliyin pik həddi proqnozlaşdırılıb
01 Avq 2020 08:08
229

Rusiyada işsizliyin pik həddi proqnozlaşdırılıb

Rusiyada işsizlik 2020-ci ilin avqust-sentyabr aylarında pik həddə olacaq.

TASS agentliyi xəbər verir ki, Əmək Nazirliyinin rəhbəri Anton Kotyakov bu barədə xəbərdarlıq edib.

Onun sözlərinə görə, ölkədə işsizlərin sayının artım tempi artıq azalıb. İyunda bu göstərici 0,1 faiz artaraq 6,2 faizə yüksəlib. Müqayisə üçün demək olar ki, aprel ayında artım tempi 1,1 faiz, may ayında isə 0.3 faiz olub.

Bununla belə, o, qeyd edib ki, Rusiyada əmək bazarındakı vəziyyət yalnız dördüncü rübdə, məşğulluq səbəbindən işsizlərin sayının düşəcəyi zaman sabitləşməyə başlayacaq.

Kotyakov əlavə edib ki, hazırda Rusiyada işləyən vətəndaşların 9 faizi və ya təxminən 4,6 milyon insan təcrid şəraitində işləyir.

Rusiyanın Əmək Nazirliyi pandemiya sona çatdıqdan sonra da ölkədə məsafəli işləməyə tələbatın qalacağının gözlənildiyini deyib. /Oxu.az

Bizi Telegram-da oxuyun. Azərbaycanın və dünyanın ən vacib xəbərləri Şahidi olduğunuz hadisələri çəkib bizə göndərin!

Oxşar xəbərlər