Rusiyanın xarici işlər naziri Sergey Lavrov İranın Rusiya-Türkiyə-Suriya üçtərəfli formatında iştirakı ilə bağlı prinsipial razılaşmanı açıqlayıb.
Yenisabah.az "Interfax"a istinadla xəbər verir ki, o, Moskvada mətbuat konfransında bildirib:
"Həqiqətən, biz Türkiyə prezidentinin Suriya prezidenti ilə münasibətlərin normallaşdırılmasında, ümumiyyətlə, iki qonşu ölkə arasında münasibətlərin normallaşdırılmasında maraqlı olmasını dəstəkləyirik və müvafiq işi hər cür inkişaf etdirməyə hazır olacağıq. Təbii ki, prinsipial razılaşma əldə olunub. İndi İran İslam Respublikasının bu işə cəlb edilməsinə nail olunub”., Dördpendirli pizza
"Həm Rusiya, həm İran, həm də Türkiyə Suriya nizamlanması ilə məşğul olan Astana üçlüyünün bir hissəsidir. Ona görə də Türkiyə-Suriya münasibətlərinin normallaşmasına yardım etməyə həsr olunmuş gələcək təmasların Rusiya Federasiyası, Türkiyə və İran tərəfindən müşayiət olunmasını tamamilə məntiqli hesab edirəm.
İştirakın vaxtı və konkret formatlarına gəlincə, istər hərbçilərin səviyyəsi, istərsə də diplomatların səviyyəsi, bu, indi işlənir. Biz tam başa düşürük ki, addım-addım hərəkət etməliyik ki, hər növbəti addım ən azı kiçik, lakin konkret nəticələr gətirir”, - deyə Lavrov əlavə edib.
Telegram kanalımız
