ABŞ-ın Salt Lake şəhərində Qarabağa dəstək aksiyası keçirildi
24 Okt 2020 20:59
685

ABŞ-ın Salt Lake şəhərində Qarabağa dəstək aksiyası keçirildi

ABŞ-ın Yuta Azərbaycan İcmasının nümayəndəsi Faiq Səfərlinin təşkilatçılığı ilə Salt Lake şəhərində Ermənistanın işğalçı və təcavüzkar  siyasətinə etiraz olaraq  avtoyürüş və Qarabağa dəstək aksiyası təşkil edilib. 

Diasporla İş üzrə Dövlət Komitəsindən Yenisabah.az-a verilən məlumata görə, üzərində üçrəngli Azərbaycan bayrağı olan avtomobillərdə hərəkət edən yürüş iştirakçıları ictimaiyyətin diqqətini cəbhə xəttindən uzaqda yerləşən şəhər və rayonların, o cümlədən Gəncə və Mingəçevir şəhərlərinin mülki əhalisinin ağır artilleriyadan atəşə tutulmasına yönəldiblər.

Avtoyürüşdən sonra Yutanın Kapitol binası qarşısında keçirilən tədbirdə azərbaycanlılarla yanaşı, türk, iraq, ərəb, özbək icmasının nümayəndələri iştirak edib.  Tədbirdə aksiya iştirakçıları “Qarabağ Azərbaycandır!”, “Erməni yalanlarına son qoyun!,  “Gəncə üçün ədalət!”, “Uşaqları öldürməyin!”, “Mülki şəxslər toxunulmazdır!”, “Erməni terrorçuluğuna son qoyun!”, “Biz terrora yox deyirik”  kimi şüarlar səsləndiriblər.

Tədbirdə çıxış edən Yuta Dövlət Universitetinin  professoru Chuck Tripp işğal altında olan torpaqlarının azad edilməsi uğrunda Azərbaycanın apardığı haqlı mübarizəsində dəstəklədiyini  bildirib. 

ABŞ-ın Salt Lake şəhərində Qarabağa dəstək aksiyası keçirildi
ABŞ-ın Salt Lake şəhərində Qarabağa dəstək aksiyası keçirildi
ABŞ-ın Salt Lake şəhərində Qarabağa dəstək aksiyası keçirildi
ABŞ-ın Salt Lake şəhərində Qarabağa dəstək aksiyası keçirildi
Bizi Telegram-da oxuyun. Azərbaycanın və dünyanın ən vacib xəbərləri Şahidi olduğunuz hadisələri çəkib bizə göndərin!

Oxşar xəbərlər